Tum Ao Tu Sahee

Roothee Kismat Ko Manaa Leinge Tum Aao To Sahee
Mehfil-E-Dil Ko Sajaa Leinge Tum Aao To Sahee

Baithe Hain Gosha-E-Tanhaaee Mein Deewaane Sabhee
Haath Mein Jaam Uthaa Leinge Tum Aao To Sahee

Ham Kabhee Pyaar Ko Ruswaa Naheen Hone Deinge
Khud Ko Soolee Pe Chadhaa Leinge Tum Aao To Sahee

Ye Hawaa, Dhoop Ye Mausam, Ye Gulaabon Kee Zameen
Tumko Pahloo Mein Bithaa Leinge Tum Aao To Sahee

Hamko Padhnaa Hai Muqaddar Ka Likhaa Apne “Fahad”
Aaeenaa Tumko Banaa Leinge Tum Aao To Sahee.