Talaash Uss Ki Hai Jis Ko Kabhi Dekha Bhi Nahin

Khayal Uss Ka Hai Dil Mein Jisay Socha Bhi Nahin

 

Khuda Say Apnay Liyay Iltija Mein Kya Karta

Talab Hai Uss Ki Keh Jis Ko Kabhi Maanga Bhi Nahin

 

Sakoot-E-Dil Mein Ye Ehsaas-E-Zindagi Kya Hai

Qareeb Paata Hun Uss Ko Jisay Chaha Bhi Nahin

 

Qasaas Mujh Se Woh Kis Kay Lahoo Ka Maangtay Hain

Woh Khoon Hai Mere Haaton Pe Jo Baha Bhi Nahin

 

Ilaaj Mujh Se Bhi Mumkin Nahin Mohabbat Ka

Woh Zakhm Hai Mere Seenay Pe Jo Saha Bhi Nahin

Koi Kissa Koi Afsana Sunate Jate-

Mere Mazi Se Mujhe Aaj Milate Jate-

Dil Ka Murjhaya Hua Phool Khilate Jate-

Yaad Guzre Huye Mausam Kee Dilate Jate-

Aap Kee Raah Mein Mai Bhi To Khada Rahta Hoon,

Ik Nazar Dekh Liya Kijiye Aate Jate-

Khoon-E-Dil Se Jo Tumhare Hi Liye Likhkhi Thi,

Wo Ghazal Aaj Mere Saamne Gaate Jate-

Jis Nasheman Ko Banaya Tha Tumhari Khatir,

Us Nasheman Pe Kabhi Barq Girate Jate-

Dil Kee Mayyat Hai Sar-E-Raah Padi Hai Kab Se,

Is Janaze Ko Agar Aap Uthaate Jate-

Aap Ne Masq-E-Sitam Chod Diya Kyu Nahak,

Kaun Si Baat Thi Ham Jaan Se Jate Jate-

Mujhse Ye Daag-E- Judayi Na Gawara Hoga,

Ho Sake To Mujhe Patthar Ka Banate Jate-

Unse Kah Do Ke Bahaar Aa Gayi Wo Bhi Aa Kar,

Khaak “Fahad” Kee Gulshan Mein Udaate Jate

Suno Zara Tum Qareeb Aao

Suno Kabhi Gar Ye Chand Chehra

Dukhon Ke Suraj Ki Garmiyun Se

Suno Agar Zard Parr Jaye

Suno Ke En Jheel Jaisi

Tumhari Aankhon Ki Putliyun Mein

Kabhi Ho Aasaib Ka Basaira

Tu Lot Aana….

Suno Kabhi Gar Tumharay Baalon Ki Badliyun Mein

Kaheen Se Chaandi Utar Bhi Aaye

Tu Ghum Na Karna…

Suno Agar Manzilon Ke Peechhay

Tum Apnay Khwabon Ke Raastay Par

Safar Ko Aadhay Mein Chhorr Jaao

Tu Lot Aana….

Suno Kabhi Gar Ye Kaanch Jaisa Badan Tumhara

Samay Kay Aagay Theher Na Paaye

Tumharay Gaalon Pe Silwatain Hoon

Suno Judai Ke Ratjagon Se

Tumhari Aankhein Jo Soojh Jain

Suno Ke Jab Ye Siyah Kajal

Tumhari Aakhon Mein Phail Jaye

Tu Lot Aana….

Tu Lot Aana….

Mein Tum Ko Jana

Jahan Kharra Hoon

Yaheen Miloon Ga